Opel сепак на продажба?

Иако сите шпекулации поврзани со продажбата на Opel своевремено се стишија, сега во германските медиуми се појави нова приказна која најавува ново поглавје од оваа приказна.


Имено, Германците, ги цитираат зборовите на првиот човек на General Motors, Dan Akerson, според кој Opel и натаму создава губитоци, и покрај тоа што продажбата оди подобро од било кога. Водството на GM, според германски извори чија вест ја пренесе и Reuters, дури упатило писмо на своите вработени, врзано за можната продажба.

Секако, меѓу потенцијалните купувачи се споменуваат бројни кинески корпорации (очекувано), но се шпекулира и за Volkswagen, што сепак би можело да биде и не така неосновата шпекулација на германските медиуми. Reuters наведува дека во VW одбиле да ги коментираат овие наводи.

Долго време после првите најави за можна продажба и откако GM „реши“ некои до непрофитабилните брендови да ги исчисти од својто портфолио, изгледа дека Opel и натаму останува на погрешен пат, и покрај фактот дека од неговите погони со несмалено темпо излегуваат нови модели на автомобили за кои мораме да признаеме дека се исклучително атрактивни.