Форд планира универзален хибриден електромобил

Форд планира да започне со продажба на хибриден автомобил со опфат од 805 км, како одговор на Chevrolet Volt од конкурентите General Motors.

C-MAX Energi ќе биде на пазарот во првата половина од следната година и ќе се натпреварува со целосно електричниот Leaf на Nissan и хибридот на Toyota, кој го носи името Prius.

До 2012 Форд најавува 5 нови електрични автомобила. C-MAX Energi ќе биде првиот хибрид на Ford, чија форма не ја повторува онаа на бензинскиот модел.

Засега цената не се прецизира, ниту бројот на моделите кои ќе бидат произведени во првата година или опсегот на електричниот акумулатор. Хибридниот C-MAX Energi ќе се појави во Европа во 2013.